బాలయ్య బర్త్‌డే కి మెగా ఫ్యామిలీ అభిమానుల సంబరాలు

బాలకృష్ణ

నందమూరి బాలకృష్ణ పుట్టిన రోజు జూన్ 10. ఈ రోజు నందమూరి అభిమానులకు పండగే అని చెప్పాలి. రాష్ట్ర వ్యాప్తంగా ఆరోజున సంబరాలలో మునిగి తేలుతారు. అయితే ఈ పుట్టినరోజు కి మాత్రం ఒక స్పెషల్ ఉంది. ఈ సంవత్సరం బాలయ్య పుట్టిన రోజున మెగా ఫ్యామిలీ అభిమానులు సంబరాలు చేసుకోనున్నారు. అవునండీ.. ఇది నిజమే. అల్లు అర్జున్ తాజా చిత్రం "బద్రీనాథ్" ని జూన్ 10 వ తేదీన విడుదల చేయడానికి ప్లాన్ చేస్తున్నాడట అల్లు అరవింద్. భారీ స్థాయిలో, అధిక అంచనాలతో వస్తున్న ఈ బద్రీనాథ్ సినిమా పై మెగా ఫ్యామిలీ అభిమానులతో పాటు ప్రజలు, సినీ విశ్లేషకులు ఎంతో ఆతురతతో ఎదురుచూస్తున్నారు. ఒక వేళ జూన్ 10 వ తేదీన విడుదల ఖరారు అయితే మెగా ఫ్యామిలీ అభిమానులకు పండగే .. కావున బాలయ్య పుట్టినరోజున మెగా ఫ్యామిలీ అభిమానులు సంబరాలు చేసుకోవడం లాంటి అరుదైన సంఘటనని మనం చూడబోతున్నాం.